TRUE NEWS MARATHI
डोंबिवली/शंकर जाधव – डोंबिवली पूर्वेकडील दावडी मधील दर्शना फॉर्म इमारतीच्या चौथ्या मजल्यावरून खाली पडून सहा वर्षीय मुलीचा जागीच मृत्यू झाल्याची घटना सोमवार 28 तारखेला दुपारच्या सुमारास घडली. इमारतीच्या चौथ्या मजल्यावर ग्रील लावले असते तर माझ्या मुलीचा जीव गेला नसता, या विकासकावर गुन्हा दाखल करावा असे सांगत मुलीच्या वडिलांनी मानपाडा पोलीस ठाण्यात तक्रार दाखल केली आहे.
परी छोटूलाल बिंद असे मृत्यू पावलेल्या सहा वर्षीय मुलीचे नाव आहे. छोटूलाल हे पत्नी व दोन मुलीबरोबर नालासोपारा येथे राहतात. छोटूलाल हे आपल्या सहा वर्षाची मुलगी परीला घेऊन डोंबिवलीत राहत असलेल्या भावोजीकडे पूजेकरता सोमवारी आले. घरी पूजा सुरु असताना परी इमारतिच्या चौथ्या मजल्यावरील गॅलरीत खेळत होती. गॅलरीला ग्रील नसल्याने परी इमारतीवरून खाली पडून जागीच मृत्यू पावली.आवाज ऐकू येताच काही राहिवशी इमारती खाली जमा झाले.परीच्या वडिलांनी तिला रुग्णालयात येथे नेले असता डॉक्टरांनी परी मृत्यू पावलेल्या सांगितले.परीच्या वडिलांनी मानपाडा पोलीस ठाण्यात जाऊन इमारतीच्या विकासकावर गुन्हा दाखल करत असल्याचे सांगितले.
