TRUE NEWS ONLINE
कल्याण – छत्रपती शिक्षण मंडळाच्या नूतन विद्यालय,कल्याण या शाळेतील ज्येष्ठ शिक्षिका शुभांगी आनंद भोसले यांना यंदाच्या सोशल एज्युकेशन मुव्हमेंट, मुंबई या संस्थेचा मानाचा सावित्रीबाई फुले महिला आदर्श शिक्षिका -२०२५ पुरस्काराने सन्मानित करण्यात आले. शिक्षणाचा वसा हाती घेतलेल्या सावित्रीमाईच्या लेकीला त्यांच्या नावाने पुरस्कार देऊन गौरवण्यात आल्याने आजी माजी विद्यार्थी वर्गातून आनंद व्यक्त केला जात आहे.
ज्येष्ठ शिक्षिका शुभांगी आनंद भोसले या गेल्या दोन दशकां पेक्षा अधिक काळ ज्ञानदानासाठी सक्रिय आहेत.या सृजनशील विद्यार्थीप्रिय, कर्तव्यनिष्ठ शिक्षिका असून वक्तृत्व, गायन, भाषा विषयाच्या मार्गदर्शक शिक्षिका असून चार वर्षांपासून साहित्य क्षेत्रात उल्लेखनीय कार्य करीत आहेत आतापर्यंत ७५ पेक्षा जास्त विषयावर काव्यलेखन, अभ्यासपूर्ण लेख शिक्षणविवेक, चैत्रपालवी, ओऊळ, रानगंध यांसारख्या मासिकात छापून आले आहेत. जाई जुई नावाचा प्रतिनिधिक काव्यसंग्रह प्रकाशित झाला आहे.त्याच्याउत्कृष्ठ सूत्रसंचलनामुळे त्या उपस्थितांची दाद मिळवतात.शाळेतील विद्यार्थ्यांचा सर्वांगीण विकास व्हावा यासाठी नेहमीच प्रयत्नशील असतात.सामाजिक बांधिलकी जपणारे अनेक दिग्गज विद्यार्थी मॅडमनी घडवले आहेत.अभिनय, कला, क्रीडा, नौदल, आणि लष्कर सेवेतील त्यांचे माजी विद्यार्थी वेगा मध्ये त्याचे जिव्हाळ्याचे संबंध जपत आहेत.
माजी विद्यार्थ्यांनी त्यांना ज्ञानाई पुरस्काराने सन्मानित केले होते. याच बरोबर त्यांना कल्याण नागरिक आदर्श महिला पुरस्कार, महाराष्ट्र भूषण पुरस्कार, जीवन गौरव पुरस्कार, आदर्श शिक्षक पुरस्कार, गुणवंत शिक्षक पुरस्कार आदी पुरस्कारासह, नुकताच त्यांना सावित्रीच्या लेकी सन्मान पुरस्कार प्रा. गजानन डोंगरे चेतना महाविद्यालय, वांद्रे आणि डॉ. मृणालिनी आहेर यशवंतराव चव्हाण मुक्त विद्यापीठ सायन्स इन्स्टिटयूट, सातारा यांच्या शुभहस्ते सन्मानचिन्ह, ट्रॉफी आणि दहा हजार रुपये रोख रक्कम पुरस्कार प्रदान करून सन्मानित करण्यात आले .एसईएम युनीट मुंबईचे सर्व पदाधिकारी, शाम शिरसाट सर, धर्मेंद्र रामटेके सर शशांक शेडगे सर यांच्या प्रयत्नातून हा कार्यक्रम साकार झाला होता.
मुख्य बातम्या
शिक्षण
